Жамбыл облысының экономика және бюджеттік жоспарлау басқармасы

Cайттағы сауалнама

Мемлекет Басшысының «Болашаққа бағдар: қоғамдық сананы жаңғырту» бағдарламалық құжатының мазмұнымен таныссыз ба?

Нәтижелер
Сауалнамалар мұрағаты

Ауа райы

Келулер статистикасы

Видео



Облыс әкімдігінің экономика және бюджеттік

жоспарлау басқармасының басшысы

Г.Жауынбекованың

2018 жылдың 25 қаңтарында

облыс әкімдігінің мәжілісіндегі баяндамасы

 

 

Жамбыл облысының 2017 жылдың қаңтар-желтоқсанындағы әлеуметтік-экономикалық дамуының қорытындысы туралы

 

 

Құрметті Асқар Исабекұлы!

Құрметті мәжіліске қатысушылар!

2017 жылдың қорытындысы облыстың әлеуметтік – экономикалық дамуында оң нәтижелерге қол жеткізілгенін көрсетеді.

 

Слайд 1.

Облыстың жалпы өңірлік өнімінің өсімі статистикалық мәліметтерге сәйкес 2017 жылдың 9 айының қорытындысы бойынша 2,9 пайызды құрады (862,4 млрд. теңге), бұл                2016 жылдың тиісті кезеңімен салыстырғанда 4,8 пайыздық тармаққа жоғары (778,6 млрд. теңге, НКИ - 98,1%). 

Ал, өнеркәсіп, ауыл шаруашылығы, құрылыс, сауда, көлік және байланыс сияқты экономиканың басты салаларында өндірілген өнім көлемінің өзгергенін көрсететін облыстың жалпы өңірлік өнімінің қысқамерзімді  индикаторы 2017 жыл қорытындысымен 103,2 пайызды құрап, өңірлер арасындағы 9-шы орындамыз.

 

Слайд 2.

2017 жылдың қаңтар-желтоқсанында өнеркәсіп өндірісінің көлемі 1,8 пайызға ұлғайып, 367,9 млрд. теңгені құрады.

Өсім кен өндіру өнеркәсібі және карьерлерді қазуда өндіріс көлемдерінің  12,6 пайызға (43,9 млрд. теңге), өңдеу өнеркәсібінде – 1,6%-ға (254,9 млрд. теңге), электрмен жабдықтау, газ, бу беру және ауаны баптау саласында – 0,8 пайызға (65,9 млрд.теңге), сумен жабдықтау, кәріз жүйесі, қалдықтардың жиналуын және таратылуын бақылау саласында – 0,7 пайызға (3,2 млрд. теңге) ұлғаюымен байланысты.

Облыс өңірлері аралығында слайдта көрсетілгендей өнеркәсіп өндірісі көлемінің өсімі Тараз қаласы мен 7 ауданда байқалса, Жамбыл және Шу  аудандарында – өндіріс көлемі өткен жылдың деңгейінде. Ал, Меркі ауданындағы «Орталық  Азия Қант корпорациясы» жауапкершілігі шектеулі серіктестігінің Меркі филиалында жыл басынан бері пештерді жөндеу жұмыстары жүргізілуіне байланысты қант өндірісі уақытша тоқтатылып, Меркі ауданы өндіріс көлемін төмендеткен.  

Облыста мемлекеттік индустриалды–инновациялық даму бағдарламасы аясында 2017 жылы 10 жоба іске асырылып (13,0 млрд. теңге), 716 жұмыс орны құрылды.

Анықтама

(«С.П. «Ролла-Ян» ЖШС – макарон цехын қайта жаңғырту», «Первомайские деликатесы» ЖШС - шұжық өндіретін цехты қайта жаңғырту, «Қаратау ПРО» ЖШС – ұсақталған толтырғыш өндіретін зауыт құрылысы, «AlinaHolding» - гипс ұстастырғыш құрылыс материалдары өндірісінің зауыты, «Аса Damu» ЖШС – құс фабрикасының құрылысы, «ОАҚК» ЖШС Меркі филиалы – қант зауытын қайта жаңарту, «Goodlook сауда үйі» ЖШС – мал азығын өндіру бойынша автоматтандырылған кешені, «Оргстрой» ЖШС - жаңа технология бойынша жарылыссыз блоктармен гранит, мәрмәр және гипсті өндіру және жаңғырту, «Джанабекова С.С» ЖК - кондитерлік фабрикасының құрылысы 1 кезең, «Соляная компания «Асылтұз» ЖШС – ас тұзын өндіру бойынша зауыт құрылысы). 

Слайд 3.

Ауыл шаруашылығы саласында жалпы өнім көлемінің өсімі 5,5 пайызды (255,6 млрд. теңге), оның ішінде өсімдік шаруашылығында 6,4 пайызды (138,0 млрд. теңге), мал шаруашылығында 4,6 пайызды (116,6 млрд. теңге) құрады.

Бұл өңірлер аралығында жоғарғы көрсеткіштердің бірі болып отыр.

Есепті мерзімде ет өндіру көлемі 7,5%-ға, сүт өндіру – 2,9%-ға, жұмыртқа өндіру - 11,7%-ға, жүн – 1,8%-ға ұлғайды.

Ауыл шаруашылығы басқармасының жедел мәліметтеріне сәйкес тауар өндірушілермен 627,0 мың тонна масақты дәнді дақылдар жиналды, бұл өткен жылмен салыстырғанда 6,4%-ға немесе 34,0 мың тоннаға артық.

Анықтама.

Майлы дақылдар - 62,3 мың тонна (19%-ға немесе 9,9 мың тоннаға), көкөніс  - 742,1 мың тонна (7,5%-ға немесе 51,8 мың тоннаға), картоп - 206,5 мың тонна (6,4%-ға немесе 12,4 мың тоннаға), бақша дақылдары  - 303,6 мың тонна (10%-ға немесе 27,3 мың тоннаға), қант қызылшасы - 203,3 мың тонна (1,7 есеге немесе 87,4 тоннаға артық) жиналды.

Сондай-ақ 2018 жылдың өнімі үшін 112,1 мың га алқапқа күздік дақылдар себілді, бұл қарастырылған жоспарға 112,0%-ды құрайды.

Ауыл шаруашылығы өнімі көлемінің өсімі барлық аудандарда байқалады, оның ішінде едәуір өсім Қордай (116,5%), Т. Рысқұлов (107,0%) және Шуда (105,5%) орын алған.

Мемлекет тарапынан көрсетіліп отырған қолдау оң нәтижелерге қол жеткізуге өз ықпалын тигізуде. Агроөнеркәсіп кешенін қолдауға 2017 жылы 11,8 млрд. теңге көлемінде субсидия бөлініп, толық игерілді (оның ішінде республикалық бюджеттен – 3,4 млрд. теңге, жергілікті бюджеттен – 8,4 млрд. теңге).

Жалпы, мемлекет тарапынан көрсетіліп жатқан қолдаудың нәтижесінде өңірде егіс алқаптары ұлғайып, әртараптандырылуда, ылғал және су үнемдеу технологиялары енгізілуде, ауыл шаруашылығы инфрақұрылымы дамуда, кооперативтер құрылуда. «Сыбаға», «Алтын асық», «Құлан» бағдарламалары нәтижелі жүзеге асырылуда.

Бүгінгі күні облыста 26 ірі мал бордақылау алаңдары жұмыс істеуде, 196 кооператив құрылған.

Ылғал үнемдеу технологиясы  27 мың гектарға, су үнемдеу технологиясы  15 мың гектарға енгізілген.

Үдемелі бақтар алқабы 425 гектарға жеткізіліп,              2016 жылмен салыстырғанда 190 гектарға ұлғайды.

Слайд 4.

Құрылыс саласында өсім 3,1 пайызды құрап отыр               (112,4 млрд. теңге), бұл орташа республикалық көрсеткіштен 1,2 пайыздық тармаққа жоғары және республика өңірлері аралығында 9 орында.

Есепті мерзімде 34 әлеуметтік, 25 инфрақұрылымдық нысандардың құрылысы жүргізілді. Ал тұрғын үй құрылысы 397,5 мың шаршы метрді құрады.

Өсім Т.Рысқұлов ауданынан (15,8%) басқа барлық аудандарда байқалады.

Анықтама

Т.Рысқұлов ауданында (2016-2017ж.ж.) газ компрессорлық станса құрылысының аяқталуына байланысты құрылыс жұмыстары төмендеген.

Слайд 5.

2017 жылдың қаңтар – желтоқсанында тұрғын үй құрылысы қарқынының Тараз қаласында және Қордай, Жамбыл, Талас аудандарында едәуір өсуіне байланысты облыста тұрғын үйді пайдалануға беру көлемі 24,9 пайызға артты.  Бұл республика өңірлері аралығындағы 6-шы орында.

Анықтама

397,5 мың шаршы метр, оның ішінде мемлекеттік қаражат есебінен 93,2 мың шаршы метр, жеке секторда – 276,8  мың шаршы метр, басқа мекемелермен – 27,5 мың шаршы метр тұрғызылды

Слайд 6.

Облыстың қызмет көрсету саласына келетін болсақ, есепті мерзімде көлік қызметі 6,1 пайызға артты. Оның ішінде көліктің барлық түрлерімен жүк тасымалдау 8,4%-ға           (98,9 млн. тонна), жолаушылар тасымалдау – 0,1%-ға              (957,9 млн. адам) өсті. Жүк айналымы 6,2 пайызға                    (2906,2 млн.ткм), жолаушылар айналымы 0,3 пайызға            (7864,3 млн. шкм) артты.

Бөлшек сауда айналымының көлемі 247,1 млрд. теңгені құрап, 2016 жылдың тиісті кезеңімен салыстырғанда 5,7%-ға өсті.

Бұл республика өңірлері аралығында слайдта көрсетілгендей  8–ші орын.

 

Слайд 7.

Негізгі қорға салынатын инвестиция көлемі 2017 жылы  5,5 пайызға ұлғайды. Өсім «Нұрлы жол», «Нұрлы жер», «Индустриалды-инновациялық даму» және басқа да мемлекеттік бағдарламалар аясында іске асырылып жатқан индустриалдық, инфрақұрылымдық инвестициялық жобалардың жүзеге асырылуымен байланысты.

Сала аралығында инвестиция көлемінің едәуір өсімі сауда саласында (2,2 есеге, 6,0 млрд. теңгеге дейін), электрмен жабдықтауда (2,1 есеге, 31,4 млрд. теңгеге дейін), құрылыста (52,9%-ға, 0,8 млрд.теңгеге дейін), денсаулық сақтау саласында  (55,8%-ға, 4,1 млрд. теңгеге дейін), білім саласында (21,2%-ға,            13,7  млрд. теңгеге дейін), өнеркәсіпте (16,8%-ға, 104,8 млрд. теңгеге дейін) байқалады.

Өңірлер аралығында инвестиция көлемдерінің төмендеуі Т. Рысқұлов ауданында (18,6%) байқалады.

Ал негізгі капиталға салынған инвестиция көлемінің ең жоғарғы өсімі Жуалы ауданында (5,0 есе) байқалады. 

Анықтама

Негізгі капиталға салынған инвестиция көлемі магистралды газ құбыры құрылысының аяқталуына байланысты Т.Рысқұлов ауданында төмендеген.

Жуалы ауданында инвестициялық қызметтің өсу қарқыны                             (16027,9 млн. тенге) «Burnoye Solar» күн электростансасына құрал-жабдықтар алуға инвестицияны тарту есебінен қамтамасыз етілді.

 

 

Слайд 8.

Халықтың жан басына шаққандағы номиналды ақшалай табысы 2017 жылдың 3 тоқсанында 53,9 мың теңгені құрап, 2016 жылдың тиісті кезеңімен салыстырғанда номиналды түрде – 15,0%-ға, нақты – 7,3%-ға өскен.

Бір қызметкердің орташа айлық еңбекақысы 2017 жылдың 3 тоқсанында 98,1 мың теңгені құрап, 2016 жылдың тиісті кезеңінен номиналдық түрде 3,8%-ға арттып, нақты – 3,1%-ға төмендеген.

Жұмыссыздық деңгейі 2017 жылдың 3 тоқсанында             4,8%-ды құрады, бұл орташа республикалық көрсеткіштен                 0,1 пайыздық тармаққа төмен.

Көрсеткіштің оң қалыптасуы Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған үкіметтік бағдарламасының табысты жүзеге асырылуымен байланысты. Аталмыш бағдарлама шеңберінде есепті мерзімде жұмыспен қамтудың белсенді шараларымен барлығы 38178 адам қамтылды. Техникалық және кәсиби ұйымдарда тегін оқытуға 772 жас түлек жолданып, жылдық жоспар толығымен орындалса, әлеуметтік жұмыс орындарын құру бойынша жылдық жоспар                    45,4 пайызға (жоспар – 1054, нақты – 1533), жастар практикасы бойынша 60,3 пайызға (жоспар – 1410, нақты – 2261) асыра орындалып отыр. Одан басқа 651 адамға микрокредит берілді.  Жалпы 2017 жылы жаңадан 12399 жұмыс орны құрылды.

Слайд 9.

Облыста халықтың әлеуметтік осал топтарына қолдау көрсету жалғасуда.  2018 жылдың 1 қаңтарына 104,7 мың тұрғынға 1918,4 млн. теңгеге әлеуметтік қолдау көрсетілді.

Анықтама

Оның ішінде 48,4 млн. теңгеге атаулы әлеуметтік көмек,            309,9 млн. теңгеге тұрғын үй жәрдемақысы, 1492,2 млн. теңгеге            18 жасқа дейінгі балаларға жәрдемақы,  67,9 млн. теңгеге үйде оқытылып жатқан мүгедек-балаларға жәрдемақы төленді.

Одан басқа 26280 адамға 670,3 млн. теңгеге қайырымдылық көмек көрсетілді.

 Нәтижесінде жалпы халық санындағы кедейшілік шегінен төмен тұратын халық санының үлесі 0,1 пайызды құрады           (2016 ж - 0,2%).                  .

Аудандар арасында ең жоғары кедейшілік деңгейі             Шу (0,4%) және Жаңатас (0,3%) қалаларында тіркелген.

Слайд 10.

Инфляция жыл басынан 107,2 пайызды құрады, бұл орташа республикалық көрсеткіштен 0,1 пайыздық тармаққа жоғары (ҚР – 107,1%), ал 2016 жылдың  тиісті деңгейімен салыстырғанда 1,2 пайыздық тармаққа төмен.

Есепті мерзімде азық-түлік тауарларының тұтыну бағасы             6,4 пайызға (ҚР – 6,5%), азық-түлік емес тауарларының бағасы                  8,9 пайызға (ҚР – 8,9%), ақылы қызметтердің бағасы                       6,5 пайызға (ҚР – 5,9%) көтерілді.

Жалпы инфляция деңгейі республика аймақтары арасында 6 орында.

Жамбыл облысының әкімдігімен баға жағдайын бақылау бойынша шаралардың дер кезінде қабылдануы азық-түлік нарығындағы оң нәтижеге қол жеткізуге ықпалын тигізді.

 Атап айтқанда, жедел штаб пен азық-түлік тауарларын тұрақтандыру қорының тұрақты жұмыс істеуі. 2017  жылы тұрақтандыру қорымен 2526,3 тонна өнім өткерілді.                Бүгінге тұрақтандыру қорында 819,0 млн. теңге сомасында 5854,2 тонна өнім бар, бұл өнім тауар бағасының күрт өскен жағдайында азық-түлік нарығына шығарылып, сатылады.

Сонымен қатар, 2017 жылы ауыл шаруашылығы тауарларын өндірушілердің қатысуымен 281 ауыл-шаруашылық жәрмеңкесі өткізіліп, 1,4 млрд. теңгеге жуық өнім сатылды. Сондай-ақ, Ақтөбе, Алматы, Астана қалаларында 11 жәрмеңке өткізіліп, 2 млрд. теңгеден астам өнім сатылды.

 

Слайд 11.

Облыс бюджетіне тоқталатын болсақ, 2017 жылы бюджеттің кіріс бөлігі 241,0 млрд. теңгені құрап, жоспар 101,3%-ға орындалды. Ал, 2016 жылдың тиісті кезеңіне -  9,3%-ға өсті.

Оның ішінде өзіндік кірістер 51,3 млрд. теңгені (106,7%-ды) құрап, 2016 жылдан 25,3%-ға артты.

Өзіндік кірістер бойынша жоспардың асыра орындалуы экономикада өсу қарқынының сақталуына байланысты салықтық түсімдердің 4,0%-ға, салықтық емес түсімдердің 13,2%-ға, негізгі капиталды сатудан түсетін түсімдердің                1,5 есеге артық түсуімен қамтамасыз етілді.

Анықтама

Салықтық түсімдер бойынша табыс салығы – 399,8 млн. теңгеге (2,6%-ға), әлеуметтік салық – 271,3 млн. теңгеге (2,3%-ға), мүлікке салынатын салық – 838,5 млн. теңгеге (6,6%-ға), тауарларға, жұмыстарға және қызметтерге салынатын iшкi салықтар 226,5 млн. теңгеге (6,3%-ға) артық түскен.   

 

Жергілікті бюджет бойынша түсімдер жоспарын барлық аудандар мен Тараз қаласы орындаған.

Трансферттер бойынша түсім 189,7 млрд. теңгені  немесе жоспар 100 орындалып, өткен жылдың тиісті кезеңінен 5,6%-ға ұлғайған.

2017 жылдың қаңтар-желтоқсанында облыс бюджетінің шығындары  241,2 млрд. теңгені немесе жоспар 99,9 пайыз орындалды.

Слайд 12.

Мемлекет басшысының 2012 жылғы 28 қарашадағы №438 Жарлығымен бекітілген Қазақстан Республикасында жергілікті өзін-өзі басқаруды дамыту тұжырымдамасын және «Бес институционалдық реформаны жүзеге асыру аясындағы            «100 нақты қадам» Ұлт жоспарының 98-қадамын іске асыру аясында облыста жалпы 156 ауылдық округтен халық саны 2000 адамнан тұратын 114 әкімшілік бірлікке дербес бюджеттері енгізілді. 

Слайд 13.

Әлеуметік саланың білім беру жүйесін қаржыландыруға 2017 жылы 98,4 млрд. теңге бөлініп,  толық игерілді.

Білім беруді және ғылымды дамытудың 2016-2019 жылдарға арналған мемлекеттік бағдарламасы аясында жыл басынан бері мектепке дейінгі ұйымдар желісі 37 бірлікке ұлғайды.

Оның ішінде 2922 орындық 33 балабақша және 175 орындық 4 шағын орталық ашылды.

Нәтижесінде мектепке дейінгі тәрбиемен қамтылған балалар үлесі 1-6 жас аралығында – 61,4 пайызды (2016 ж. – 56,9%), 3-6 жас аралығында – 90,2 пайызды (2016 ж. – 80,2%, 2017 ж. – 82,0) құрады.

Өңірлер аралығында Жамбыл (87,4%), Мойынқұм (84,8%), Қордай (82,3%), Шу (78,5%), Т. Рысқұлов (71,3%), Меркі (71,3%) аудандарында 3-6 жас аралығындағы балаларды мектепке дейінгі тәрбиемен және оқытумен қамту үлесі орташа облыстық көрсеткіштен төмен.

2017 жылы апатты жағдайдағы (9) 4 мектептің (1-ҰҚ, 3-ЖБ), үш ауысымды (4) 1 мектептің  мәселесі шешілді (1-ҰҚ).

Анықтама:

Сондай-ақ 2018 жылы апатты жағдайдағы 3 мектептің, үш ауысымды               2 мектептің  мәселесі шешілмек.

 

Слайд 14.

Денсаулық сақтау саласын қаржыландыруға 2017 жылы 24,4 млрд. теңге бөлінді.

  2017 жылы 14 денсаулық сақтау нысанының құрылысы жүргізілді, есепті мерзімде ауысымына 5 келушіге арналған медициналық пункт, 40 келушіге арналған 3 фельдшерлік-акушерлік пункт  және 135 келушіге арналған 8 дәрігерлік амбулатория пайдалануға беріліп, Шу ауданы Шу қалалық ауруханасының қазандығы қайта жаңғыртылды.

Бұдан басқа, Тараз қаласындағы облыстық туберкулезге қарсы балалар ауруханасына залалсыздандыру камерасы ғимаратының құрылысы аяқталып, пайдалануға берілді.

Есепті жылдың қаңтар-қараша айларында 2016 жылдың тиісті кезеңімен салыстырғанда жалпы өлім-жітімі (0,2%-ға төмендеген), нәресте өлім-жітімі (5,2%-ға) және туберкулез ауруынан өлім-жітім (6,4%-ға) көрсеткіштерінің төмендеуінің оң динамикасы сақталуда.

2017 жылы нашақорлық және қан айналымы жүйесі ауруларына шалдығу деңгейі өскен, ана өлімінің 3 жағдайы Тараз және Шу қалаларында тіркелген (РЭДСО алдын-ала мәліметтері бойынша) (2016 жылы – 3 жағдай).

Анықтама:

Нашақорлық ауруларына шалдығу деңгейінің өсімі (100,0 мың халыққа) Тараз қаласында, Байзақ, Жамбыл, Жуалы, Т.Рысқұлов, Меркі, Сарысу, Талас және Шу  аудандарында, қан айналымы жүйесі ауруларына шалдығу деңгейінің өсімі Тараз қаласы, Жамбыл, Жуалы, Қордай, Мойынқұм және Шу аудандарында байқалады.

 

Слайд 15.

Мәдениет  саласын қаржыландыруға  5,5 млрд. теңге  бюджет қаражаты бөлінді.

Облыстық театрлар 73 мыңға жуық көрерменге 431 қойылым, (оның ішінде 39 – қайырымдылық),  облыстық филармония 150,1 мың көрерменге 336 концерт, облыстағы мұражайлар 57 мыңнан аса келушілерге 3064 экскурсия, 1404 лекция, 781 түрлі тақырыптарда көрмелер  ұйымдастырды.

2017 жылы облыстық бюджет қаражаты есебінен                53,5 млн. теңгеге Меркі ауданы Аққайнар ауылындағы ауылдық клубының құрылысы аяқталып, пайдалануға берілсе, Шу ауданы Шоқпар ауылындағы ауылдық клубының құрылысы 2017 жылы басталып, 2018 жылы аяқталады деп күтілуде (жалпы құны – 209,8 млн.тенге).

Бұдан басқа, 17,6 млн. теңгеге Жамбыл ауданы Бектөбе ауылындағы ауылдық клубының қазандығы газдандырылды.

 

2017 жылы спорт саласына бюджеттен 9,2 млрд. теңге бөлінді.

Облыстық бюджет есебінен жалпы құны                           2101,6 млн.теңгеге 2017 жылы 6 спорт нысанының құрылысы басталып, 2018 жылы аяқталуы жоспарлануда.

2017 жылдың басынан 589,6 мың адамның қатысуымен 3047 спорттық шаралар өткізілді.

Бұл, өз кезегінде дене шынықтырумен және спортпен шұғылданатын азаматтар үлісін 2017 жылдың жоспарынан (27,0%) 1,6 пайызға арттырып, 320 мыңға жуық адамды  қамтыды (28,6%).

Нәтижесінде 2017 жылы халықаралық және республикалық жарыстарда облыс спортсмендері 1387 медальді иеленді (577 алтын, 372 күміс, 438 қола).

 

Слайд 16.

Есепті мерзімде жалпы 12487 қылмыс тіркелді,               бұл 2016 жылдың тиісті кезеңімен салыстырғанда 22,1%-ға  төмен.

2017 жылы облыста 1386 жол-көлік оқиғасы тіркелді (онда 166 адам қаза болған, 2240 адам әр түрлі деңгейдегі жарақат алған). Тіркелген жол-көлік оқиғалар саны 2016 жылмен салыстырғанда 0,1%-ға (2016 ж - 1387) төмендеген.

 

"Нұрлы жер" тұрғын үй құрылысы бағдарламасын Жамбыл облысында іске асыру барысы туралы 

"Нұрлы жер" тұрғын үй құрылысы бағдарламасының мақсаты халық үшін тұрғын үйдің қолжетiмдiлiгiн арттыру  болып табылады.

Бағдарлама келесі міндеттерді іске асыруды көздейді:

-        ипотекалық кредит берудің қолжетімділігін арттыру;

-        жеке құрылыс салушыларды тұрғын үй салуға ынталандыру;

-        тұрғын үй құрылыс жинақтары жүйесі арқылы өткізілетін кредиттік тұрғын үй салу;

-        халықтың әлеуметтік жағынан осал топтары үшін жалға берілетін тұрғын үй қорын құру;

-        жеке тұрғын үй құрылысын дамыту;

-        халықты жалға берілетін және коммерциялық тұрғын үйлермен қамтамасыз ету.;

-        үлестік тұрғын үй құрылысын қолдау.

«Нұрлы жер» тұрғын үй құрылысы бағдарламасы шеңберінде 2017 жылы 18 жобаны іске асыруға                       7,4 млрд. теңге қарастырылды (оның ішінде Қазақстан Республикасы Ұлттық қорынан - 3,1 млрд.теңге, республикалық бюджеттен - 4,3 млрд.тенге).

2017 жылдың 27 қарашасына 6,4 млрд. теңге немесе есепті кезеңнің жоспарына 85,9% игерілді. Оның ішінде республикалық бюджеттен - 3,4 млрд. теңге (78,8%), Қазақстан Республикасы Ұлттық қорынан – 3,0 млн. теңге (95,7%). Жобаларды іске асыру барысында барлығы                         1247 уақытша жұмыс орындары құрылды.

Бағдарламаның «Халықтың әлеуметтік жағынан осал топтары үшін жалға берілетін тұрғын үй қорын құру» бағыты бойынша Тараз қаласындағы «Арай» массивінде, «Карасу» шағын мөлтек ауданында және Жамбыл ауданы Аса ауылындағы «Байтерек» тұрғын үй массивінде                            4 көппәтерлі тұрғын үй құрылысын бастауға Қазақстан Республикасы Ұлттық қорынан 1,6 млрд.теңге бөлініп,                   2017 жылдың 27 қарашасына 1,5 млрд. теңге немесе есепті кезеңнің жоспарына 93,5% игерілді. Жобаларды іске асыру барысында 470 уақытша жұмыс орындары құрылды.

(Анықтамалық: Есепті кезеңге игерілмеген 101,1 млн. теңгенің                  68,2 млн. теңгесі - үнемделген қаражат, 2017 жылғы республикалық бюджетті нақтылау барысында қайтарылды).

Есепті кезеңде «Тараз қаласы "Арай" тұрғын алқабының 14 га жер теліміндегі тұрғын жай кешенінде көппәтерлі тұрғын үй құрылысын салу. №2 жер телімі, 2-ші белгі» және «Жамбыл облысы Жамбыл ауданы Аса ауылы "Бәйтерек" тұрғын алқабына көп қабатты тұрғын үй құрылысын салу» жобаларын іске асыру аяқталып, барлығы 98 пәтер пайдалануға берілді.

Жыл соңына дейін «Тараз қаласы "Қарасу" шағын ауданындағы №17 тұрғын үйдің маңында көп пәтерлі тұрғын үй құрылысы» жобасын аяқтап, тағы да 80 пәтер пайдалануға беріледі деп күтілуде.

Сонымен қатар, 2018 жылдың бірінші жарты жылдығында «Тараз қаласы 14 га "Арай" алқабы тұрғын үй кешеніне көп пәтерлі тұрғын үй құрылысын салу. №2 жер телімі, 1-ші белгі» жобасы аяқталып, тұрғын үй қоры 80 пәтерге ұлғаяды.

Тұрғын үй құрылысы нысандарына инженерлік-коммуникациялық инфрақұрылымдарды дамыту бойынша 14 жобаны іске асыруға бюджеттен 5,9 млрд.теңге бөлініп, оның ішінде:

- 8 жобаны іске асыруға (2016 жылдан өтпелі) республикалық бюджеттен 4,3 млрд.теңге;

- 6 жобаны аяқтауға (2016 жылдан өтпелі) Қазақстан Республикасы Ұлттық қорынан - 1,6 млрд.теңге қарастырылды.

2017 жылдың 27 қарашасына республикалық бюджеттен бөлінген қаражаттың 3,4 млрд. теңгесі немесе есепті кезеңнің жоспарына 78,8 пайызы игерілді. Осы 8 жобаны іске асыру барысында 387 уақытша жұмыс орындары құрылды.

(Анықтамалық: Есепті кезеңге игерілмеген 915,2 млн. теңгенің                  93,8 млн. теңгесі - үнемделген қаражат, 568,4 млн. теңге – жыл соңына игерілмеу қауіпі бар қаражат, 2017 жылғы республикалық бюджетті нақтылау барысында қайтарылды).

Бүгінгі таңда 8 жобаның 3 жобасы пайдалануға берілді.

- «Тараз қаласы "Арай" алқабындағы 14 га жер теліміне жер асты суларының деңгейін төмендетуге арналған дренаждық сорғы станциясының құрылысын салу»;

- «Жамбыл облысы Жамбыл ауданы Бектобе аулындағы жаңадан салынып жатқан тұрғын алқабының инженерлік-коммуникациялық инфрақұрылымданы дамыту. Газбен, электрмен қамтамасыз ету және көше жолдары»;

- «Тараз қаласындағы "Автобекет" маңындағы 14 мөлтек ауданына инженерлік құбырлар құрылысын жүргізу. Газбен жабдықтау».

(Анықтамалық: Қаржының төмен игерілу қарқыны келесі себептерге байланысты болып отыр:

- «Тараз қаласы Сулейменов көшесінің соңындағы тұрғын алқаптың магистральды және ішкі кварталды инженерлік желілерінің құрылысын салу. Жылу желілері» - 91,0%;

- «Тараз қаласы Сулейменов көшесінің соңындағы тұрғын алқабының магистралдық және ішкікварталдық инженерлік желілерінің құрылысын салу. Газбен қамтамасыз етудің сыртқы желілері» - 89,4%;

- «Тараз қаласындағы "Автобекет" маңындағы 14 мөлтек ауданына инженерлік құбырлар құрылысын жүргізу. Газбен жабдықтау»- 89,7% - пайдалануға берілді;

- «Тараз қаласы "Автобекет" ауданы маңындағы 14 мөлтек ауданына жақындату және магистралдық ішкі кварталдық инженерлік желілердің құрылысын салу. Сыртқы байланыс желілері» - 75,4% - суару каналдарынан өту ұзақ уақытты алғандықтан құрылыс-монтаж жұмыстары кеш басталған;

- «Тараз қаласы автобекет ауданы маңындағы  14 ші мөлтек ауданына жақындату және магистралдық ішкі кварталдық инженерлік желілердің құрылысын салу. Жылумен қамтамасыз ету» - 91,8% ;

- «Тараз қаласы "Арай" алқабындағы 14 га жер теліміне жер асты суларының деңгейін төмендетуге арналған дренаждық сорғы станциясының құрылысын салу» - 95,4% - пайдалануға берілді ;

- «Тараз қаласы Сулейменов көшесінің соңындағы тұрғын алқабының магистралдық және ішкі кварталдық инженерлік желілерінің құрылсын салу. Су бұру. Сыртқы желілер» - 37,4% - жобалық-сметалық құжаттамаларына түзету жүргізілуіне байланысты

-« Жамбыл облысы Жамбыл ауданы Бектобе аулындағы жаңадан салынып жатқан тұрғын алқабының инженерлік-коммуникациялық инфрақұрылымданы дамыту. Газбен, электрмен қамтамасыз ету және көше жолдары») – 89,5% - пайдалануға берілді .

 

2017 жылдың 27 қарашасына Қазақстан Республикасы Ұлттық қорынан бөлінген қаражаттың 1,5 млрд. теңгесі немесе есепті кезеңнің жоспарына 97,9 пайызы  игерілді.  Осы 6 жобаны іске асыру барысында 390 уақытша жұмыс орындары құрылды.

Есепті кезеңде 6 жобаның 5-уі пайдалануға берілді:

- «Жамбыл облысы Шу ауданындағы "Жанкулиев", "Горгаз", "Жайсан", "Жетісу", "Алға" жаңа тұрғын алқабтарына арналған (көшелер және электрмен қамтамасыз ету) инфрақұрылымдық желілері құрылысын салу»;

- «Жамбыл облысы Жамбыл ауданы Аса ауылындағы "Бәйтерек" тұрғын массивінің инженерлік-коммуникациялық инфрақұрылымын дамыту, электрмен, газбен және көше жолдарымен қамтамасыз ету»;

- «Жамбыл облысы Жамбыл ауданы Айша бибі ауылындағы салынып жатқан тұрғын үйлерінің инженерлік-коммуникациялық инфрақұрылымын дамыту, электрмен, газбен және көше жолдарымен қамтамасыз ету»;

- «Жамбыл облысы Қордай ауданы Сортобе ауылындағы жеке тұрғын алқабының инженерлік-коммуникациялық инфрақұрылымдарын салу. Электрмен қамтамасыз ету және көшелері»;

- «Жамбыл облысы Қордай ауданы Қордай ауылындағы «Шығыс» және «Солтүстік» ықшам аудандарының тұрғын құрылыс алқабының инженерлік инфрақұрылым құрылысы». Электрмен қамтамасыз ету».

Жыл соңына дейін  «Тараз қаласы "Құмшағал" алқабында сервистік су құбырлары желісінің құрылысын салу» жобасы пайдалануға берілетін болады.

 

 

 «Нұрлы жол» мемлекеттік бағдарламасын

Жамбыл облысында іске асыру барысы туралы

 

2015-2019 жылдарға арналған «Нұрлы жол» мемлекеттік бағдарламасының мақсаты Қазақстанның ұзақ мерзімді экономикалық өрлеуін қамтамасыз ету мақсатында хаб қағидатында тиімді инфрақұрылым құру негізінде елдің макроөңірлерін ықпалдастыру арқылы бірыңғай экономикалық нарық қалыптастыру болып табылады.

Бағдарлама келесі міндеттерді іске асыруды көздейді:

- шұғыла қағидаты бойынша тиімді көліктік-логистикалық инфрақұрылым құру;

- индустриялық инфрақұрылымды және туристік инфрақұрылымды дамыту;

- бірыңғай электр энергетикалық жүйе шеңберінде энергетикалық инфрақұрылымды нығайту;

- тұрғын үй-коммуналдық шаруашылығының инфрақұры-лымын және жылумен, сумен жабдықтау мен су бұру желілерін жаңғырту;

- азаматтар үшін тұрғын үйдің қолжетімділігін арттыру;

- білім беру саласының инфрақұрылымын дамыту;

- кәсіпкерлік субъектілерінің бәсекеге қабілеттілігін арттыру.

Жамбыл облысында «Нұрлы жол» бағдарламасы үш бағыт бойынша іске асырылуда. Бұл мақсатта 2017 жылы Қазақстан Республикасы Ұлттық қорынан 8 жобаны іске асыруға                   3,5 млрд. теңге бөлініп, ағымдағы жылдың 27 қарашасына                    3,0 млрд. теңге (есепті кезеңнің жоспарына 89,4%) игерілді. (Анықтамалық: Игерілмеген 357,7 млн. теңгенің 277,6 млн. теңгесі - үнемделген қаражат, 2017 жылғы республикалық бюджетті нақтылау барысында қайтарылды).

Барлық жобаларды іске асыру барысында 471 уақытша жұмыс орындары құрылды.

(Анықтамалық: - 2015 жылы 4,1 млрд. теңгеге, 17 жоба пайдалануға берілді, оның 2 жобасы – тұрғын үй құрылысы бойынша, 2 – ИКИ бойынша,                      3 – жылумен қамту, 10 - Бизнестің жол картасы бойынша,

- 2016 жылы 10,1 млрд. теңгеге, 11 жоба пайдалануға берілді, оның ішінде              5 жоба – білім беру, 3  – жылумен қамту, 3 жоба – ИКИ бойынша)

 «Әлеуметтік инфрақұрылымды дамыту» бағыты бойынша 5 жобаны іске асыруға 2,4 млрд. теңге бөлініп,                     2017 жылдың 27 қарашасына 2,0  млрд. теңге (есепті кезеңнің жоспарына 88,3%) игерілді. Жобаларды іске асыру барысында 362 уақытша жұмыс орындары құрылды.

(Анықтамалық: Есепті кезеңге игерілмеген 263,6 млн. теңгенің                  204,1 млн. теңгесі - үнемделген қаражат, 2017 жылғы республикалық бюджетті нақтылау барысында Тараз қаласы Шөлдала  алқабындағы 900 орынға арналған орта мектеп құрылысына қайта бағытталды).

Есепті кезеңде жалпы құны 1 149,3 млн. теңге құрайтын «Меркі ауданы Сарымолдаева ауылында 600 орындық №9 Савва атындағы мектеп»  және жалпы құны 1 305,9 млн. теңге құрайтын «Тараз қаласы "Салтанат" мөлтек ауданында 1000 оқушыға арналған №30 орта мектеп» құрылыстары толық аяқталып, нысандар тиісінше, осы  жылдың 18 тамызында және                             25 мамырында пайдалануға берілді. Екі жобаны іске асыру барысында 120 уақытша жұмыс орындары құрылды.

Қалған үш нысан:

«Байзақ ауданы Байзақ ауылындағы 300 оқушыға орта мектеп құрылысы» (жалпы құны 749,4 млн. теңге, 2017 ж. -                 535,9 млн. теңге),

«Тараз қаласы Шөлдала  алқабындағы 900 орынға арналған орта мектеп құрылысы» (жалпы құны 904,4 млн. теңге, 2017 ж. -  813,9 млн. теңге),

«Тараз қаласы  300 орынға арналған №24 гимназиясының қосымша құрылысы» (жалпы құны 597,2 млн. теңге, 2017 ж. -  537,5 млн. теңге) бойынша жобалар 2018 жылға өтпелі болып жоспарланған. 2017 жылы жобаларды іске асыру барысында 242 жұмыс орындары құрылды.

«Индустриалды инфрақұрылымды дамыту» бағыты бойынша 2 жобаны іске асыруға 848,1 млн. теңге бөлініп,                    2017 жылдың 27 қарашасына 773,6 млн. теңге (есепті кезеңнің жоспарына 91,2%) игерілді. Жобаларды іске асыру барысында    40 уақытша жұмыс орындары құрылды.

(Анықтамалық: Есепті кезеңге игерілмеген 74,5 млн. теңгенің                  53,9  млн. теңгесі - үнемделген қаражат, 2017 жылғы республикалық бюджетті нақтылау барысында қайтарылды).

Бұл бағыт бойынша жалпы құны 1 186,2 млн. теңге құрайтын «Қаратау қаласындағы  жылына 300 мың тонна цемент өндіретін зауыт құрылысы. Инфрақұрылымдар (техникалық сумен жабдықтау және кәріз жүйесі, шаруашылық ауыз сумен қамтамасыз ету, электр желілерін жүргізу, телефон желілерін жүргізу, газбен жабдықтау)» жобасын іске асыру толық аяқталып, нысан ағымдағы жылдың 15 қыркүйегінде пайдалануға берілді. Жобаны іске асыру барысында 25 уақытша жұмыс орындары құрылды.

Жалпы құны 222,8 млн. теңге құрайтын "Жамбыл облысы Қордай ауданы Сарыбұлақ ауылдық округінің аймағында орналасқан Биокомбинат ғимаратына сыртқы инженерлік желілер салу" "BIO VET KZ" ЖШС жобасының 1-ші кезеңінде ағымдағы жылдың 27 қарашасында 159,9 млн. теңге игеріліп, 15 уақытша  жұмыс орны құрылды. Жобаны іске асыру жыл соңына дейін толық аяқталады деп күтілуде.

Жылумен қамту желілерін жаңғырту бағыты бойынша  Қазақстан Республикасы Ұлттық қорынан 280,3 млн.теңге сомасында кредиттер бөлініп, ағымдағы жылдың 27 қарашасына                    260,8 млн. теңге (есепті кезеңнің жоспарына 93%) игерілді. 471 уақытша жұмыс орындары құрылды.

(Анықтамалық: Есепті кезеңге игерілмеген 19,5 млн. теңге - үнемделген қаражат, 2017 жылғы республикалық бюджетті нақтылау барысында қайтарылды).

Бұл қаражатқа «Жамбыл облысы Шу ауданы Шу қаласы «Шу-Жылу» КМК орталық қазандығының КЕ-25/14С маркалы екі бу қазанын газбен жұмыс жасайтын қазандарға ауыстырып, қайта жаңғырту» жобасы іске асырылып,  69 уақытша жұмыс орындары құрылды. Жобаны аяқтау үстіміздегі жылдың желтоқсанына жоспарланған.  

 

 

Процветающий регион – процветающий Казахстан скачать

Мемлекет пен қоғам бірлесе күрес жүргізуі керек жуктеу

Қуатты өңір – қуатты Қазақстан жуктеу

Облыс әкімдігінің экономика және бюджеттік жоспарлау басқармасы басшысы Ж. Әмірхановтың  2017 жылғы 31 қаңтардағы алқа мәжілісіндегі баяндамасы жуктеу

Облыс әкімдігінің экономика және бюджеттік жоспарлау басқармасы  басшысының 2017 жылдың 27 қаңтарда облыс әкімдігінің мәжілісіндегі баяндамасы жуктеу

 

Жамбыл облысы әкімдігінің экономика және бюджеттік

жоспарлау басқармасының  алқа мәжілісінің

 Хаттамасы

Тараз қаласы  № 1 2017 жылғы 31 қаңтар  

Төрағалық еткен: Б.С. Орынбеков  - облыс әкімінің бірінші орынбасары  

Мәжіліске қатысқандар: облыс әкімдігінің экономика және бюджеттік жоспарлау басқармасының басшысы, облыс әкімдігінің экономика және бюджеттік жоспарлау басқармасы басшысының орынбасарлары,  бөлім басшылары, аудандар мен Тараз қаласы әкімдіктерінің экономика және бюджеттік жоспарлау бөлімдерінің басшылары, облыс әкімдігінің басқарма басшылары (тізім бойынша)

Күн тәртібі

1. Жамбыл облысы әкімдігінің экономика және бюджеттік жоспарлау басқармасының 2016 жылы атқарылған жұмыстарының қорытындысы және 2017 жылы атқарылатын міндеттері.

Алқа мәжілісінің шешімімен берілген тапсырмалар:

1. Аудандар мен Тараз қаласы әкімдігінің экономика және бюджеттік жоспарлау бөлімдері:

1)  аудандар мен Тараз қаласын дамытудың 2016-2020 жылдарға арналған бағдарламаларының 2016 жылдың қорытындысы бойынша орындалуы туралы есептілікті бірінші басшының қол қоюымен веб-порталға (құпия сипаттағы және қызмет бабында пайдалануға арналған ақпаратты қоспағанда) орналастыруды;

3) облысымыздың  373 ауылдық елді мекендерінің дамуына жүргізілетін мониторингтің белгіленген мерзімде, әрі сапалы орындалуын қамтамасыз етсін.

2. Тараз қаласы әкімдігінің экономика және бюджеттік жоспарлау бөлімі «Нұрлы жол» бағдарламасы аясында  2016 жылы мерзімінде іске асырылмаған инженерлік-коммуникациялық инфрақұрылымды дамыту бойынша 3 жобаның сметалық құжаттамаларына  түзету жүргізуді қысқа мерзімде аяқтап, тиісті мемлекеттік сараптамасын алып, құрылыс-монтаж жұмыстарын  жүргізсін. 

3. Облыс әкімдігі  басқармаларының басшылары өздерінің салалары бойынша 2016 жылдың қорытындысы бойынша Жамбыл облысын дамытудың  2016-2020 жылдарға арналған бағдарламасын іске асыру туралы есептілікті уақытылы және сапалы ұсынылуына ерекше назар аударсын.

4. «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған» жаңа бағдарлама аясында бөлінген бюджет қаражатын тиімді игерілуін қамтамасыз етуді тапсырамын.

5. Қазақстан Республикасының Ұлттық қорынан 2017 жылға кейінге қалдыру шарты бар екі жобаның Тараз қаласы Шөлдала алқабындағы 900 орынға арналған орта мектеп құрылысы және 300 орынға арналған №24 гимназиясының қосымша құрылысы бойынша жобалық-сметалық құжаттамасының мемлекеттік сараптамасын қысқа мерзімде алып, ҚР Білім және ғылым министрлігіне ұсынуды тапсырамын.

6. Бюджеттік қаражаттың тиімді игерілуін қамтамасыз ету мақсатында бюджеттік бағдарламалардың сапалы әзірленуін, ондағы тікелей және түпкілікті нәтижелер көрсеткіштерінің  орындалуын бақылауда ұстасын.

7. Осы хаттаманың  орындалуын  бақылау   облыс  әкімдігінің  экономика және бюджеттік жоспарлау басқармасының басшысы Жомарт Амангелдіұлы Әмірхановқа жүктелсін.

Жамбыл облысы әкімінің бірінші орынбасары Б. Орынбеков